28 ივნისს ფონდმა “იავნანამ” ჯგუფ „მგზავრებთან“, „GEORGIAN BRASS“ და ნიკოლოზ რაჭველთან ერთად საქველმოქმედო კონცერტი გამართა. აქციის შედეგად – მურღულიების 9 შვილიანი ოჯახი დაბინავდა, ფონდის შვილობილი დიტო რაზმაძე ამერიკის შეერთებულ შტატებში, საზაფხულო სკოლაში სასწავლებლად გაემგზავრა, ფონდი ასევე, დაეხმარა წარჩინებულ თორმეტ სტუდენტს. მარათონის აღმოჩენად იქცა 15 წლის ნიჭიერი მუსიკოსი ლუკა გოდიშვილი, რომელიც ფონდმა ნიკოლოზ რაჭველთან ერთად წარუდგინა საზოგადოებას. კონცერტს ლიზა წიკლაური და დიტო რაზმაძე უძღვებოდნენ.
